schoolsthatrockErries Pragseremonie. Op Maandag, 23 Oktober, is die jaarlikse Erries pragseremonie gehou waar die graad 11’s hul streepbaadjies ontvang.
Die simboliese waarde agter die baadjies is iets wat die Erries na aan die hart lê. Dit is ter aanduiding daarvan dat jy as graad 12-leerder deel is van die leiers van die EHS en ‘n voorbeeld stel vir dié wat na jou moet opkyk.
Die wit in die baadjie is simbolies vir reinheid en opregtheid en die groen vir moed en hoop. Dié baadie is ’n baadjie van leierskap, hoop en moed!
Na die oorhandiging van die baadjies, is die SkoolBybel oorhandig aan die President vir 2024, Chrizanne Joubert. Dit dien as simbool van geloof met die wens: “Glo in God en glo in die toekoms. Neem dit as ‘n lig vir jou pad – ook vir die Erries.”
Die skoolvlag is oorhandig aan die President vir 2024, Carel Jacobsz, as simbool van eenheid – eenheid in wil en eenheid in strewe. Die wens wat gepaardgaan met dié vlag, is: “Neem dit en bou ‘n beter toekoms vir ons skool en ons land.”
Erries Pragseremonie – EHS Graad 11’s ontvang Streepbaadjies
Meer skolenuus: https://schoolsthatrock.co.za
Foto’s verskaf
Become a Sponsor
