schoolsthatrockHoërskool Ermelo se 7’s rugbyspan het Vrydagoggend, 31 Augstus, die gasheerskool van Mpumalanga 7’s-rugby kampioenskap, Hoërskool Middelburg, in die openingswedstryd aangepak.
Die Erries was vroeg op die agtervoet en verloor met ‘n telling van 19-12. Daarna skop die Erries vas en wen hulle volgende 5 wedstryde om tot in die finaal te vorder.
Hulle wen met uitsonderlike tellings: teen Hoërskool Kanonkop 42-12, Hoërskool Hoogenhout 38-7, Hoërskool Bergvlam 50-7, en Hoërskool Oosterland 29-12 in die kwartfinaal.
In die semi-finaal verhang hulle die bordjies deur Hoërskool Middelburg te wen met ‘n telling van 19-15.
Die Erries kom in die finaal teen Middelburg Tegniese Hoërskool te staan en verloor ongelukkig hierdie wedstryd met ‘n telling van 15-7.
Met hierdie puik prestasie verower die Erries ‘n tweede plek in Mpumalanga en is bevoorreg om aan die Noordvaal uitspele, wat in Pretoria plaasvind op 14 en 15 September, te kan deelneem.
Become a Sponsor
