Fast 5 Netbal. Op Saterdag 2 September het EHS se twee Fast 5 netbal spanne aan die Gert Sibande-uitdunne deelgeneem

Die o.15-Rubies wen albei hul poel-wedstryde teen Volksrust en Secunda Blou met onderskeidelik 21-6 en 15-11. In die kwarfinaal wen EHS teen Curro Secunda met 44 doele teenoor een. Die Erries wen met 29-4 teen Piet Retief, maar verloor in die finaal teen Secunda Geen met 13-23.

Hoërskool Ermelo se o.17-Eagles het die volgende uitslae behaal by hul Fast 5 netbal wedstryde:

In hul poel-wedstryde verloor hul teen Secunda met 24-26 en wen teen Hoogenhout met 35-5. EHS wen met 27-12 in die kwartfinaal teen Standerton en kom weer te staan teen Hoogenhout in die semifinaal. EHS wen met 38-12. Die finaal het teen Secunda plaasgevind en die Erries verloor met 25-29.

Albei spanne eindig tweede in Gert Sibande in hul onderskeie ouderdomsgroepe. Hulle dring deur na die provinsiale uitspele.