schoolsthatrock
Marizán Steyn, graad 12-leerder, het vanjaar die Springboktoekenning in Landsdiens ontvang. Dit is die hoogste toekenning vir leerders in Landsdiens op skoolvlak.
Marizán het in 2016 met Landsdiens begin. Sy het van dag een af die 4 liefdes van Landsdiens voluit nagestreef en uitgeleef.
In vraad 9 verteenwoordig sy Noord-Kaap Landsdiens as Junior leidster van die dogters by die Nasionale kamp. Marizán het die Noord-Kaap by 4 Nasionale kampe verteenwoordig.
Sy het die volgende toekennings in Landsdiens ontvang:
Prestasie Silwer, Impala, Prestasie Goud en Leierskap.
Sy het in haar klub (die D.S. Jacobs-Landsdiensklub) as bestuurslid, sekretaresse, onder-voorsitter en voorsitter opgetree. Sy het ten alle tye haar mede Landsdieners met respek hanteer en nie geskroom om positiewe leierskap te openbaar nie.
Sy het veral haar liefde vir die Skepper en haar medemens openbaar in haar projek en betrokkenheid met en by Kansa oor die afgelope vyf jaar. Die uitreikings na die ouetehuise en minderbevoorregte mense was nog ‘n saak wat hoog op haar prioriteitslys was.
Marizán het ook haar liefde vir die natuur en arbeid uitgeleef in die aanplant van spekbome op die terrein en die hulp met die bekamping van erosie in die Sanpark, Mokala.
Haar vriendelikheid, spontaniteit en hulpvaardigheid sal ons altyd by bly.
“Sterkte vir jou pad vorentoe, Marizán. Ons sien uit om te sien wat die toekoms vir jou inhou. Maak ons by Addies trots.”
