schoolsthatrockHoërskool Ermelo is trots om me. Carina du Plessis te verwelkom as nuwe Wetenskap-onderwyser.
Sy kom oorspronklik van Stellenbosch waar sy destyds haar Honneurs- en Meestersgrade in Wetenskappe behaal het. Carina is ‘n dinamiese vrou van vele talente en het al baie indrukwekkende mylpale bereik. Sy was onder andere Departementshoof van Landbouwetenskap by die Universiteit van Stellenbosch en dien ook in die fakulteitsraad van Stellenbosch Universiteit. Sy was reeds by twee geleenthede per uitnodiging deel van die advieskomitee vir die ministerie van toerisme.
Carina het onderwysondervinding van graad 8 tot 12 in Fisiese Wetenskappe, Lewenswetenskappe en Wiskunde en bied tans Fisiese Wetenskap aan vir die graad 8 tot 10-leerders van EHS.
Ten spyte van Ermelo se snerpende koue, wat vir haar ‘n uitdaging is, is sy beïndruk met die dissipline by EHS, asook die leerders se ongelooflike omgee en vriendelikheid.
Dit is vir EHS is groot voorreg om iemand met haar kwalifikasies te kan hê wat die jong Erries touwys kan maak.
EHS wens haar alle voorspoed en seën toe by die Erries. Mag haar bloed kort voor lank groen klop soos die res van EHS!
Become a Sponsor
