Hoërskool Punt van Mosselbaai se 1ste netbalspan het op Vrydag, 22 Februarie, na Kaapstad vertrek waar hulle aan Hoërskool Bosmansdam se netbaltoernooi deelgeneem het. Dit was baie warm en windstil in die Kaap van Storms.
Die o/19-spanne het in 4 poele gespeel. Punt het al 4 die wedstryde in hul poel gewen.Hul eindig dus 1ste in hul poel.
Die uitspeel wedstryde was bietjie taaier en daar was maar weinig rus tussen die wedstryde:
Punt wen 14-3 teen Melkbosstrand en 11-4 teen Parklands.
In finaal wen Punt 15-8 teen ‘n baie gedetermineerde span van van Fairbairn.
Hoërskool Punt eindig dus as wenners van die toernooi!
Die 1ste span bedank hul borge: Just Property, TMK Landmeters en Du Toit Lambrechts Inc.
(Foto bo:) Voor vlnr: Jaydé Hermanus en Antorien Alberts
Agter vlnr: Winona Huisamen, Me E Nel (afrigter), Elrize Moolman, Shani Pick, Lereen Mostert, Tacha-Marie Jourt en Lee-Schen Muller
Voor vlnr: Jaydé Hermanus en Antorien Alberts