schoolsthatrock
Interprovincial Youth Chess Championship. 🏆 Hoër Volkskool Potchefstroom Skaaknuus.
Baie geluk aan die Volkie-skaakkoning, Heinrich Fouché!
Heinrich het sy merkwaardige talent en toewyding aan die skaakbord bevestig. Hy het as deel van Gauteng se o.18 A-span aan die Interprovincial Youth Chess Championship deelgeneem. Hierdie is ’n toernooi wat die beste jong skaakspelers van Suid-Afrika bymekaar gebring het. Heinrich en sy span het ’n skitterende goue medalje verower en het as kampioene uit die stryd getree.
Hierdie prestasie is nie net ’n bewys van Heinrich se strategiese vernuf en harde werk nie. Hy is ook ’n inspirasie vir elke Volkie wat glo dat deur deursettingsvermoë en passie, groot hoogtes bereik kan word.
Volkies is ongelooflik trots op jou, Heinrich. –Jy dra die naam van Hoër Volkskool Potchefstroom met eer en wys dat Volkies nie net op die sportveld en in die klaskamer uitblink nie, maar ook op die skaakbord.
Mag hierdie oorwinning die eerste van vele wees op jou pad na nog groter sukses!
Lees meer uitstekende skolenuus hier: https://schoolsthatrock.co.za/
Foto verskaf
Become a Sponsor
