schoolsthatrock
Skole Dogterskrieket. 🏏 Witteberg Dogterskrieketspan gekroon as Vrystaat-kampioene! 🏆
Die krieketheldinne van Hoërskool Witteberg het geskiedenis gemaak tydens die SAXX Vrystaat-uitspele! Met vasberadenheid, talent en spanwerk het hulle die veld oorheers en hulle is met trots as Vrystaatkampioene gekroon!
Semifinaal: Witteberg vs HTS Sasolburg. Witteberg het ’n magtige oorwinning van 138 lopies behaal – ’n ware krieketmeesterstuk! Uitblinkers:
- Mia Daacke – ’n briljante 70 lopies van net 46 balle
- Lize van der Bergh – ’n onoorwonne 50* lopies van 50 balle
🎉 Finaal: Witteberg vs Botshabelo Hub. Tydens die eindstryd het vonke gespat! Witteberg het eerste gekolf en 64/7 in 20 beurte aangeteken. Maar dit was hul spanpoging met die bal wat die dag gewen het. Botshabelo Hub is vir net 50 lopies uitgeboul!
- Lize van der Bergh – 2 paaltjies vir 12 lopies in 3 beurte
- Zané Wessels – 2 paaltjies vir 9 lopies in 2 beurte
- Dimpho Ramatlakane – ’n skitterende driekuns wat die wedstryd laat kantel het!
Witteberg wen die finaal met 14 lopies en verseker hul plek in die Nasionale Toernooi wat in Februarie 2026 plaasvind.
👏 Baie geluk aan elke speler en afrigter! Julle het nie net gewen nie – julle het geïnspireer. Witteberg is ongelooflik trots op julle!
Lees meer skolenuus hier: https://schoolsthatrock.co.za/
Foto verskaf
Sponsored By
