schoolsthatrock
Erkenning vir B Spanne – Laerskool Stulting se sport B spanne blink uit!
Tydens Maandagoggend se saalbyeenkoms het die dak amper die lig gevat van trots! Laerskool Stulting het spesiale erkenning vir hul ongelooflike B spanne gegee. Dit is daardie dapper, vasberade en soms modderbesmeerde sporthelde wat met hart en siel vir Stulting speel.
Van netbal tot atletiek, rugby tot noodhulp, elke spanlid het hul plek in die kollig verdien. Die netbalspelers gooi balle met die presisie van ’n GPS. Stulting se atlete hardloop vinniger as ’n hond agter ’n poskar. So ook skrum die rugbyspelers soos mini-trekkers op turbo. En dan is daar die noodhulpspan wat altyd gereed is met pleisters, ys en ’n kalm stem, selfs al is die res in paniek oor ’n geskeurde sokkie.
Laerskool Stulting is ongelooflik trots op elkeen van hierdie sporthelde. Julle wys dat ware sportmanskap nie net in punte gemeet word nie, maar in deursettingsvermoë, spanwerk en ’n goeie dosis Stulting-gees.
Hou so aan, die A-spanne kyk nou mooi na julle!
Meer skolenuus: https://schoolsthatrock.co.za/
Foto voorsien
Become a Sponsor
