schoolsthatrock
Protea o.21 Gymkhana-span. 🌟 Megan de Villiers lei die Proteas na oorwinning!
Hoërskool Gimnasium Paarl leerder, Megan de Villiers ,het haar merk gemaak op die nasionale sporttoneel. Sy is nie net vir die Protea o.21-Gymkhana-span gekies nie, maar is ook as kaptein aangewys. Dit is ’n prestasie wat haar leierskap en talent duidelik onderstreep.
Tydens die internasionale toetsreeks by Nampo Bredasdorp, het Megan teen die Australiese span meegeding. Sy het haar uitmuntende vaardighede perfek ten toon gestel. Megan het ’n ongelooflike ses goue en twee silwermedaljes ingepalm — ’n bewys van haar toewyding, tegniek en passie vir die sport.
Die Protea-span het ook die toets gewen, en Megan is met die hoogste eer bekroon: Algehele Beste o.21-Ruiter van die Toets. Hierdie titel bevestig haar as een van die voorste jong ruiters in Suid-Afrika.
Megan se prestasie is nie net ’n triomf vir haar nie, maar ook vir haar skool, haar span en die toekoms van Gymkhana in Suid-Afrika.
Lees meer skolenuus hier: https://schoolsthatrock.co.za/
Foto’s verskaf
Become a Sponsor
