Eisteddfod 2025 - Hoërskool Stellenbosch

Eisteddfod 2025 – Saterdag, 26 Julie was ‘n aand van kultuurviering tydens die Eisteddfod 2025.

Die klanke van talent het die Stellenbosch Eisteddfod 2025 gevul soos musiek in ‘n ou “concert” saal, helder, vol passie en onvergeetlik. Hoërskool Stellenbosch het weereens bewys waarom hulle ‘n kultuurspilpunt is, met meer as 120 individuele inskrywings én 7 ensembles wat hul merk gemaak het, waaronder die geliefde Hoërskool Stellenbosch-koor.

By die glansryke konsert is buitengewone talent vereer.

Sterre van die Pryswennerskonsert

Nika Bell – Klavier
Beste Jazz-pianis Hoërskool
Cecilia Laurenstrofee: Klavierkonsert (≤15 jr)
Heuer Geldprys: Hoogste prestasie in Klavierkonsert
Musiekonderwysersverenigingbeker: Klaviersolo (13 jr)

Adele Holtzhausen (Gr. 10) – Klavier
Musiekonderwysersverenigingbeker: Klaviersolo (15jr)

Louise du Toit (Gr. 11) – Sang
Wisseltrofee: Opera/Operette/Oratorium

Tamara Mey (Gr. 12) – Blokfluit
Phil Weberbeker: Beste Altblokfluitprestasie
Karin Maritz Trofee: Mees belowende senior blokfluitspeler

Brandslang o.l.v. Jared Hanekom
Jan de Villiersbeker: Beste Hoërskool Serenadegroep

IV Jazz Band
Stellenbosch Eisteddfodmedalje: Beste jazz-orkes (Hoërskool, Studente en Ope)

Die atmosfeer was elektries toe Brandslang en Hoërskool Stellenbosch IV die verhoog betree het met optredes wat elke siel geraak het, ‘n viering van toewyding, talent en kultuurtrots.

Hoërskool Stellenbosch buig die hoed vir elke deelnemer. Julle speel nie net note nie, julle leef dit.

Dankie dat julle almal se kultuurlewe verryk met flair en vuur.

Hou aan skitter!