schoolsthatrockFoto: Danielle Joubert
Ses leerders van Oranje is in die Vrystaat Laserrun-span opgeneem. Die span van 29 lede (hoër- en laerskole) ding op 28 Maart mee op die nasionale kampioenskap in Somerset-Wes.
Die ses is Donna le Roux, Ezeth Esterhuizen (albei gr. 8), Lané van Rooyen (gr. 9), Danielle Joubert, Miché Johns en Anina Groenewald (almal gr. 10). Anina se jonger sussie, Carli (Oranje Primêr), is ook in die span.
Danielle (foto) het Saterdag op die Vrystaat-kampioenskap in die o.17-afdeling koning gekraai. Donna was die o.15-kampioen. In Sondag se Vrystaat Tetrathlon-kampioenskap het Danielle ook met die louere weggestap in die o.17-afdeling. Lané was tweede en Miché derde.
Tetrathlon bestaan uit skerm, 200m swem, 3 x 800m hardloop tesame met laserpistoolskiet tussen elke ronde.
Become a Sponsor
