schoolsthatrock
Hoërskool Nelspruit is opgewonde om aan te kondig dat die Nellies eersdaags aan ‘n interne T-20 kriekettoernooi gaan deelneem. Twee junior en twee senior spanne sal onderskeidelik teen mekaar meeding. Die uiteindelike wenner sal volgens ‘n gekombineerde puntetabel bepaal word.
Hierdie T-20 krieketbeker is deur Westvaal Nelspruit en NHS se toegewyde personeel moontlik gemaak.
Die vier spanne se kapteine en afrigters gaan volgende week Westvaal Nelspruit besoek waar die spanbekendmaking sal plaasvind. Hou ons sosiale media vir meer inligting oor die spanname, spelers en datums van wedstryde dop.
Covid-19 protokol sal streng nagekom word en geen toeskouers sal ongelukkig by die wedstryde toegelaat word nie.
Dit sal wel regstreeks op die Nellie TV-kanaal uitgesaai word.
Become a Sponsor
