schoolsthatrock
British Junior Internationals – Hoërskool Sentraal is trots om aan te kondig dat Jana van der Merwe en Ricus Steyn gekies is om Suid-Afrika in die luggeweerskiet te verteenwoordig. Hulle gaan deelneem aan die British Junior Internationals wat in Augustus vanjaar in Bisley, net buite Londen, plaasvind.
Die twee jong skuts het hul merk gemaak in die luggeweerskiet sporterklas en is nou deel van die SANSSU-span (Suid-Afrikaanse Nasionale Skole Skietunie). Hierdie prestasie is nie net ’n groot eer vir hulle nie, maar ook vir die hele Sentraal-familie wat saam met hulle die pad stap.
Volgens die afrigters is Tralies ongelooflik trots op Jana en Ricus. Hulle toewyding, harde werk en fokus het hulle tot hier gebring. Hulle gaan verseker ons land en die skool met waardigheid verteenwoordig.
Die British Junior Internationals is een van die mees gesogte kompetisies vir jong skuts. Dit bied ’n unieke geleentheid aan hulle om teen die beste van die wêreld mee te ding. Vir Jana en Ricus is dit ’n droom wat waar word – en vir Hoërskool Sentraal ’n blink oomblik van trots.
Meer Skolenuus: https://schoolsthatrock.co.za/
Foto voorsien
Sponsored By
