schoolsthatrock
Mangaung Schools Aquatics – Laerskool Truida Kestell het onlangs aan die Mangaung Schools Aquatics Free State Primary Schools Swimming Championships deelgeneem. Vyf swemmers van Laerskool Truida Kestell het met groot trots hul skool verteenwoordig. Die kampioenskappe is op 17 en 18 Februarie in Bloemfontein by die Mangaung Aquatics-swembad aangebied. Jong swemmers van regoor die Vrystaat hul talente kom wys het.
Die span het met hul skooldrag en breë glimlagte Truida Kestell se naam hoog gehou, en elkeen het met ywer en deursettingsvermoë die water aangedurf.
’n Spesiale vermelding gaan aan Iminé Dercksen, wat puik presteer het met ’n 3de plek in die 50m rugslag. Sy behaal ook ’n 2de plek in die 50m vryslag. Haar harde werk en toewyding is ’n inspirasie vir haar spanmaats en die hele skoolgemeenskap.
Die res van die span het met trots deelgeneem en waardevolle ervaring opgedoen. Hulle deelname wys dat Truida Kestell nie net akademies uitblink nie, maar ook sterk staan op die sportveld, én in die swembad!
Baie geluk aan al die swemmers!
Julle is ware ambassadeurs van Truida Kestell.
Meer skolenuus: https://schoolsthatrock.co.za/
Foto voorsien
Become a Sponsor
