schoolsthatrock
Matriekklas 2025 Uitslae– Hoërskool Strand het rede om groot te glimlag ná die bekendmaking van hul matriekklas 2025 se uitslae.
Die skool spog met ’n indrukwekkende 98.6% slaagsyfer én nege A-gemiddeldes. Dit is ’n prestasie wat die Arende se harde werk, deursettingsvermoë en trots weerspieël.
Die oggend was gevul met afwagting toe die topkandidate voor die hele matriekgroep aangekondig is. Kort daarna het die res van die klas hul uitslae met opgewondenheid en soms trane van verligting ontvang. Dit was ’n viering van jare se toewyding, laatnag-studie en die ondersteuning van onderwysers en ouers.
Die personeel van Hoërskool Strand is uit die veld geslaan, en baie trots op hierdie groep. Hulle wens elke matrikulant sukses toe met die volgende hoofstuk van hul lewens en glo vas dat die Arende van 2025 steeds hoër gaan vlieg.
A-gemiddeldes van 2025
| Leerling | Gemiddeld | Vakonderskeidings |
|---|---|---|
| Jana van Vuuren | 90.5% | 7 |
| Mia Myburgh | 89.8% | 7 |
| Kristen Thiart | 88.8% | 8 |
| Debra Schmidt | 87.7% | 8 |
| Nadine Pretorius | 87.2% | 6 |
| Christopher Smith | 83.8% | 5 |
| Michael Booysen | 82.5% | 5 |
| Bernard van Staden | 82.0% | 4 |
| Oliver Jooste | 81.2% | 4 |
Meer skolenuus: https://schoolsthatrock.co.za/
Foto’s voorsien
Become a Sponsor
